ᓴᓂᑭᓗᖓᕐᒥᐅᑦ ᓴᓇᙳᐊᖅᑎᖏᑦ ᓯᓚᕐᔪᐊᓕᒫᒥᑦ ᖃᐅᔨᒪᔭᐅᕗᑦ ᐊᔾᔨᐅᙱᑦᑐᓂᒃ ᓴᓇᙳᐊᒐᖏᓐᓂᑦ ᓴᓇᓯᒪᔪᑦ ᐊᐅᒋᓚᐃᑦᒥᑦ, ᕿᕐᓂᖅᑑᓪᓗᓂ ᐅᔭᕋᒃ ᓇᓂᔭᐅᒡᓱᑦ ᓴᓂᑭᓗᐊᑉ ᕿᑭᖅᑕᖓᓂ.ᑐᙵᓱᒋᑦ
ᕼᒻᓚᒃᑯᑦ ᓴᓂᑭᓗᐊᕐᒥᑦ
ᐃᓂᓕᒃ ᐆᒻᒪᑎᖓᓐᓂ ᖃᖏᖅᓱᐊᓘᑉ ᐃᓗᐊᓂ ᓴᓂᑭᓗᐊᑉ ᕿᑭᖅᑕᖏᓐᓂᑦ, ᓴᓂᑭᓗᐊᖅ ᐃᓄᖕᓂᑦ ᓄᓇᓕᒋᔭᐅᕗᖅ 850-ᓂᒃ ᐃᓄᖃᖅᖢᓂ. ᓂᒡᒋᐊᓃᓐᓂᖅᐹᖑᕗᖅ ᓄᓇᓕᐅᓪᓗᓂ ᓄᓇᕗᒻᒥ, 150 ᑭᓛᒥᑐᓂᑦ ᐅᖓᓯᖕᓂᓕᒃ ᐅᐊᓕᓂᖓᓂ ᓯᓂᖓᓐᓂ ᓄᓇᕕᒃᒥᑦ, ᑯᐸᐃᒦᑦ. ᕿᑭᖅᑕᖏᑦ ᐅᑭᐅᖅᑕᖅᑦᑐᕐᒥᐅᑕᓪᓚᕆᐅᕗᑦ ᓇᐹᖅᑐᓂᑦ ᐱᕈᖅᑐᖃᕈᓐᓇᖏᖦᖢᓂ.
ᐃᓄᖏᑦ ᓄᓇᖃᖃᑦᑕᖅᓯᒪᕗᑦ ᓴᓂᑭᓗᐊᑉ ᕿᑭᖅᑕᖏᓐᓂᑦ ᐊᒥᓱᐊᓗᖕᓂᑦ ᐊᕐᕌᒍᒐᓴᓂᑦ. ᐃᓄᐃᑦ ᓯᕗᕚᖏᑦ ᐊᒻᒪᓗ ᑐᓃᑦ ᓄᓇᖃᖃᑦᑕᓚᐅᖅᐳᑦ ᕿᑭᖅᑕᐅᔪᓂᑦ ᑕᑯᒃᓴᐅᓪᓗᑎᒃ ᐊᒥᓱᓂᑦ ᓇᔭᖅᑕᐅᖃᑦᑕᖅᑐᕕᓂᕐᓂᑦ. ᕿᑭᖅᑕᐃᑦ ᐅᔾᔨᕆᔭᐅᓚᐅᖅᓯᒪᔪᑦ ᓄᓇᓕᖃᖏᑦᑐᓂᑦ ᕼᐊᓄᕆ ᕼᐊᑦᓴᓐ ᑕᑯᖕᒪᒋᑦ 1610-ᖑᑎᓪᓗᒍ.
1840-ᖏᓐᓂᒐᓚᒃ, ᑖᒪᔅ ᐅᐃᒑᓐᑦ, ᐃᖅᑲᓇᐃᔭᖅᑎᐅᔪᖅ ᓂᐅᕕᖅᑎᒃᑯᓐᓂ, ᕿᓂᖅᑎᐅᔪᓂᑦ ᐊᐅᓚᑦᑎᓚᐅᖅᐳᖅ ᑲᖏᖅᓱᕐᔪᐊᕐᒥᑦ (ᓯᓴᓯᐱ), ᑯᐸᐃᒃᒥ ᓴᓂᑭᓗᐊᑉ ᕿᑭᖅᑕᖏᓐᓄᑦ. ᕌᐳᑦ ᕙ ᓚᕈᑎ ᐊᒻᒪᓗ ᐅᒥᐊᖅᑐᖃᑎᖏᑦ, 75 ᐊᕐᕌᒍᑦ ᐊᓂᒍᖅᑎᓪᓗᒋᑦ ᓯᕗᓪᓕᖅᐹᖑᓚᐅᖅᐳᑦ ᖃᓪᓗᓈᖑᓪᓗᑎᒃ (ᐃᓄᐃᑦ ᖃᓪᓗᔾᔭᕆᒃᑐᑦ) ᐅᑭᐅᖅᑕᕆᐊᖅᖢᑎᒃ ᕿᑭᖅᑕᓂ.
